Zacznymy od nojważniyjszego. PPRZAJYMY ŚLĄSKOWI. I z tego przocio wziyno sie wszystko, co robiymy i czym chcymy sie z Wami dzielić. Durch szukomy smakow, kiere pamiyntomy ze smarkatych lot. Sięgomy do rychtyk śląskij kuchni, w kierej rządziły Starki – nasze śląski Omy. One zawsze miały coś do zmaszkecynio.
Od samego poczontku naszego geszeftu ciongnymy to, co robiło sie w naszej familji od pradziadków: piekymy Oblaty. Tak jak downij – podług tego, jak robiła to nasza Oma, po Bożymu. Bo fest by my chcieli, żeby sie cofnąć do czasów, w kierych szło kupić na drogach swojski oblaty. A jak my już zaczyni geszeft, to poszło dalij, zmajstrowali my inksze maszkety, ale zawsze pamiyntomy, żeby smakowało, było zdrowo i po Bożymu
Zaproszomy do nos, do naszego Ślaskigo Hajmatu, kaj szanuje sie robota, i uczciwość, kaj ważny jest kożdy symbol i kożdy smak. Do miejsca, w kierym nowe pomysły łączom sie z tradycjom. Podźcie z nami do kuchni naszych Starek i Om. Pokosztujcie tego, co momy nojlepsze. Pomaszkećcie z nami!
Nasza godka jest żywo i cołki czos sie zmiynio. Staralimy sie zapisać wszystko tak, jak to sie u nos w chałpie godało. Jak sie trefi jakiś słowo, kiere byście inaczyj zapisali, to, proszymy, przeczytejcie je tak, jak je znocie i jak sie go u Wos używo.
Zapraszomy do nos.
fot. Oblaty Studio